*!* မဲ့ပြုံး*!* __________ ဒီလူ(တောင်တွင်းကြီး) ___________________

ဘော်ဒါတစ်ကောင်မော့သောက်ခဲ့တဲ့
အမှန်တရားအတုံးအခဲကြီးတွေနဲ့

ပစ်ချလိုက်တဲ့မနက်ဖြန်က
ကောင်းကင်စော်နံတယ်။

ယမ်းငွေ့ မသေသေးတဲ့
ဘဝ ပူပူလေးတွေတွေ့ ရင်
ငါက..ဟိုချီမင်းဖြစ်လိုက်
ချေဂွေဗားရားဖြစ်လိုက်နဲ့

အိပ်မက်ထဲမှာအော်အော်ငိုနေရတယ်။

ဟောဒီမှာ...
သမိုင်းစာအုပ်ထဲကသွေးညှီနံ့တွေ

ဟောဒီမှာ...
တစ်နေ့လုပ်တစ်နေ့စားမဲ့ပြုံးတွေ

ဟောဒီမှာ...
မပျော်ခြောက်လ ပျော်ခြောက်လအနာဂတ်တွေ

ဟောဒီမှာ...
ဝယ်ချင်ဝယ် မ၀ယ်ချင်နေ အမှန်တရားတွေ

ဟောဒီမှာ...
ကလေးကစားကွင်းထဲက
တိုက်ပွဲခေါ်သံတွေ

ဟောဒီမှာ...
စောက်ရှက်မရှိတဲ့ စောက်ရှက်တွေ

ဟောဒီမှာ...
ကျည်တောက်စွပ်မရတဲ့
ကိုယ်ကျင့်တရားတွေ

ဟောဒီမှာ...ဟောဒီမှာ...ဟောဒီမှာ...

ဆူညံနေတဲ့မာယာအတွန့်အကြေတွေကြား
လောကပါလတရားကို
မမှီမကန်းကုတ်ခြစ်ကြည့်ရတယ်...
သေချင်စော်နံတဲ့
စိတ်ဓာတ်မပျော့မမာကြီးနဲ့
အပူအပင်မကင်းတဲ့
လူမြင်ကွင်းကြီးနဲ့

စိတ်ကြီးနဲ့ငါကြီးနဲ့လေပါတယ်။ ။

ဒီလူ(တောင်တွင်းကြီး)