ဒီကဗျာကိုဟို​ကောင်​​တွေရိပ်​မိသွားလို့မဖြစ်​ဘူး

!ဒီကဗျာကို ဟိုကောင်တွေရိပ်မိသွားလို့မဖြစ်ဘူး!
_____________________________

ဒီကဗျာကို ဟိုကောင်တွေရိပ်မိသွားလို့မဖြစ်ဘူး...
တစ်ယောက်နဲ့တစ်ယောက်သိုသိုသိပ်သိပ်လက်ဆင့်ကမ်းပြီးဖတ်ကြ၊
မကောင်းဆိုးဝါး တွေမရှိတဲ့ သင်္ချိုင်း ဇရပ်ထဲမှာဖြစ်ဖြစ်
လူသူအရောက်အပေါက်နည်းတဲ့တောရကျောင်းနားကအပင်ရိပ်မှာဖြစ်ဖြစ်
တစ်ယောက်တည်း အခန်းတံခါးလော့ချပြီးဖြစ်ဖြစ်
ဘာမှမဖြစ်သေးတဲ့ဟိုနေရာလေးမှာဖြစ်ဖြစ်
လူမသိသူမသိဖတ်ကြ။

ဒီကဗျာကိုဖတ်နေတဲ့အချိန်မှာ ကဗျာဖတ်တဲ့ပုံစံမျိုး နည်းနည်းမှမပေါက်စေနဲ့...
ဒီကဗျာကို ဟိုကောင်တွေရိပ်မိသွားလို့မဖြစ်ဘူး...
ဒီကဗျာထဲကအချက်အလက်တွေကငါ့အသက်နဲ့ရင်းပြီး စုဆောင်း ထားရတာ
မိဝေး ဖဝေး သေကွဲ ရှင်ကွဲတွေ ကွဲပြီးမှရလာတာ
ကိုဗဟိန်းကနေ ကျော်ကိုကိုအထိလက်ဆင့်ကမ်းပြီးမှရလာတာ
ဒီကဗျာထဲမှာ
သမိုင်းတွေပါတယ်|ပထ၀ီ တွေပါတယ်|ဘောဂဗေဒတွေပါတယ်
အဖိနှိပ်ခံလူထုတစ်ရပ်လုံးပါတယ်|ခေတ်အဆက်ဆက် အရေးတော်ပုံတွေပါတယ်...
ဒီကဗျာကို ဟိုကောင်တွေရိပ်မိသွားလို့မဖြစ်ဘူး...
ဒီကဗျာထဲမှာ ဗိုလ်ချုပ် ကနေ သူ့သမီးလေးထိ `၀´တွေ`၀ိ´တွေ ပါတယ်...
ဒီကဗျာထဲက တောက် ခေါက်သံတွေသူတို့မကြားစေနဲ့
ဒါမှ သူတို့မရိပ်မိခင် ငါတို့ရိတ်သိမ်းလို့ရမှာ
ဒါမှ ငါတို့တော်လှန်ရေးကို သူတို့ အပျော်ကြံမပြေးမှာ
တစ်ယောက်နဲ့တစ်ယောက်သိုသိုသိပ်သိပ်လက်ဆင့်ကမ်းပြီးဖတ်ကြ၊
စကားဝှက်သုံးပြီးသူ့လူကိုယ့်လူခွဲကြ
တစ်ယောက်ဒုက္ခတစ်ယောက်ထွေးပွေ့ကြ

ဒီကဗျာကို ဟိုကောင်တွေရိပ်မိသွားလို့မဖြစ်ဘူး...

ဒီကဗျာထဲမှာ

ရှိသမျှဘုရားတွေအကုန်ပါတယ် \ရှိသမျှနတ်တွေအကုန်ပါတယ်
အဆင်ပြေ သလိုကိုးကွယ်ကြ\ဆုတောင်းကြ(နားပူနားဆာ တိုက်ကြ)

ဒီကဗျာထဲမှာ လက်ဝဲ လက်ယာ ကအစကိုယ်လက် အင်္ဂါ အစုံပါတယ်
အတွေးအခေါ်အဟောင်းတွေပါတယ်(သင်ခန်းစာ ယူဖို့)
ဒီကဗျာကို လုံးဝမိတ္တူမပွားနဲ့ အန္တရယ်များတယ်
ကိုယ့်အချင်းချင်းစကားဝှက်နဲ့လက်ဆင့်ကမ်းကြ
ဟိုကောင်တွေမရိပ်မိစေနဲ့
အဲဒီကောင်တွေကခွေးထက်မိုက်တဲ့ခွေးသိက္ခာကျကောင်တွေ...
ဒီကဗျာထဲကမေတ္တာတရားကိုဒီကောင်တွေကိုမပေးမိစေနဲ့
ငါ့တို့အချင်းချင်းခွဲဝေသုံးဖို့\လက်ဆင့်ကမ်းဖို့
တစ်ယောက်နဲ့တစ်ယောက်သိုသိုသိပ်သိပ်လက်ဆင့်ကမ်းပြီးဖတ်ကြ၊
နောက်ဆုံးဖတ်တဲ့တစ်ယောက်ကမီးရှို့ဖျက်စီးပြစ် အန္တရယ်များတယ်

ဟိုကောင်တွေရိပ်မိလို့မဖြစ်ဘူးဒီကဗျာကို ။ ။

                        ဒီလူ(တောင်တွင်းကြီး)

စောင်းပါးရိပ်​ခြည်​

မှားလို့ကောင်းတဲ့အသက်အရွယ်ဆိုတော့
ဘယ်ပစ်မှတ်ဖြစ်ဖြစ်ထိတယ်
အကြောင်းတရားမရွေးလောင်တယ်
အချိန်အခါမရွေး နက်တယ်
နောင်မှတော့ဘယ်အဓိပ္ပာယ်မှ တ မနေတော့ဘူး။

စာရိတ္တ နဲ့ စိတ္တဇမသဲကွဲတဲ့ညကို
ဘာကိစ္စနဲ့လင်းမလဲပြော
ဘယ်လိုချိုးချိုးမကျိုးတဲ့စိတ်နဲ့
ဘယ်နားနေနေမသေတဲ့နမိတ်နဲ့
ကိုယ့်ပြသနာကိုပြန်ရှာနေရ
ကိုယ့်အရိပ်ကိုလိုက်နင်းနေကြ။

မရည်ပဲရွယ်ထားတဲ့မျက်တွင်းနက်နက်တွေ
မဖုံးပဲဖိထားတဲ့အသိတရားတွေ
ငါတို့ရှိနေတဲ့ခေတ်ကြီးက
ငါတို့မသိတဲ့ဇစ်ကြီးပွင့်လို့။

ဆောင်းကဆောင်းမဟုတ်
နွေကနွေမဟုတ်
မိုးကမိုးမဟုတ်နဲ့
သဘာဝတွေလဲခေါင်
ပကာသနတွေနဲ့ကြောင်
အစိုးမရတဲ့ကတိုးခတွေ။

မျိုးချစ်စိတ်ဟောင်းလောင်းကြီးနဲ့
ပွင့်တဲ့ပန်းတွေ
ဘယ်နေရာလျှောက်လျှောက်
မပျောက်တဲ့ ချောက် တွေ
မလင်းတာကလွဲရင်မှောင်တယ်
မရှင်းတာကလွဲရင်ကြောင်တယ်။

ပြင်ဖို့ညာနေတဲ့ပညာရေးနဲ့
ခေတ်နောက်ကျနေတဲ့အမှန်တရား
ဘယ်အချိန်စားစားခါးတယ်
ဘယ်နားနေနေသေတယ်
ဘယ်လိုထူးထူးရူးတယ်။

ဝါဒမတူရင်ခါချချင်တဲ့ဆိုင်းဘုတ်တွေ
စောက်ရေးမပါရင်တော့စောက်ရာမပေးနိုင်ဘူး
စောက်ပြဿနာပဲ။

မှားလို့ကောင်းတဲ့အသက်အရွယ်ဆိုတော့
ပြောချင်တာပြောတယ်
စောက်ကြီးစောက်ကျယ်
မြင်ချင်သလိုမြင်တယ်
စောက်ကြီးစောက်ကျယ်။ ။

ဒီလူ(တောင်တွင်းကြီး)လမ်း-စာ​ပေအနုပညာမှ

အချီအခ ၃၁

ဘယ်သူ

ဟစ်အော်ရေတွက် အချက်ပေးနေတာလဲ

ဘီယာခွက်ထဲက

ငြင်းခုန်သံတွေ...

ငွေများလို့နိုင်တဲ့ တရားတွေ/မတရားတွေ

ကမ္ဘာဦးစည်းမျဉ်းတွေ

ခေတ်ပေါ်ရောဂါတွေ

ဘာရယ်မဟုတ်ပဲ

လောကကြီးရဲ့ စီးဆင်းသံကို ငါ နားစိုက်နေမိတယ်

ဘာရယ်မဟုတ်ပဲ

ရာသီဥတုတွေတစ်ခုပြီးတစ်ခုလွတ်ထွက်သွားတယ်

ကိုယ့်ဒုက္ခနဲ့ကိုယ်လှတယ်

စိတ်ကို Play လိုက်

Enter ခေါက် လိုက်

Delete လုပ်လိုက်

နေတတ်လိုက် ကျေနပ်လိုက်နဲ့

ဘယ်လောက်ရယ်စရာကောင်းလိုက်သလဲ

ဘယ်လောက်ပေးပြီး ဘယ်လောက်ပြန်ရလိုက်သလဲ

မဖြစ်သေးတဲ့အိပ်မက်ကဖြစ်ဖြစ်မြည်လို့

လှလှပပခါးတယ်

တူးတူးခါးခါးပျော်တယ်

ဟောဒီ ၃၁ ကြိမ်မြောက်ဝှက်ဖဲကို

ဘယ် လက် နဲ့ကောက်လှန်လိုက်တယ် ။ ။

ဒီလူ(တောင်တွင်းကြီး)

April28 2015

ကိစ္စမရှိပါဘူး

ကိစ္စမရှိပါဘူး
..............

ငါ့မှာ

ဒုက္ခ ချမ်းသာတွေနဲ့

ဒီအသက်အရွယ်ထိ ၁ ကပြန်စနေရတုန်း။

ငါ

မှားခဲ့ပါတယ်

မှန်ခဲ့ပါတယ်

ညံ့ခဲ့ပါတယ်

တော်ခဲ့ပါတယ်

မိုက်ခဲ့ပါတယ်

လိမ္မာခဲ့ပါတယ်

ပျော်ခဲ့ပါတယ်

ဝမ်းနည်း ခဲ့ပါတယ်

ဟုတ်သလား မဟုတ်သလား လောက ။ ။

                        ဒီလူ(တောင်တွင်းကြီး)

ဒုက္ခ​တွေအုန်းအုန်းထလို့

!ဒုက္ခ တွေ အုန်းအုန်းထလို့!
...............................

အမှန်က

အဲဒီတက်လာတဲ့ရေတွေနဲ့ အာဏာရှင်စနစ်ကြီးမျောပါသွားရမှာ

ခုတော့

ရန်သူမျိုး(၅)ပါးကမျက်နှာလိုက်တယ်အမေ

ဒုက္ခ လို့ဆိုလိုက်တာနဲ့

ကျွန်တော်တို့ကိုပဲပြေးပြေးဆောင့်တယ်

ကျွန်တော်တို့ရောက်နေတဲ့

လူ့ပြည်လူ့ရွာ ဆိုတာ ဒါကြီးလား အမေ ။ ။

                          ဒီလူ(တောင်တွင်းကြီး)

နာ​ရေး​ကြော်​ငြာ

ကျွန်တော်

ပိုးစိုးပက်စက်ကောင်းတဲ့ကဗျာတစ်ပုဒ်ရေးနေပါတယ်

ဘယ်လောက်ထိအောင်ကောင်းလဲဆိုရင်
သူ့ထက်ကောင်းတဲ့ကဗျာတောင်သူ့လောက်မကောင်းဘူး။

ဒီကဗျာဟာမြန်မာပြည်ကြီးဖြစ်သလို
ကမ္ဘာကြီးလဲဖြစ်ပါတယ်။

ဒီကဗျာထဲမှာ
ကမ္ဘာ့ကုလသမဂ္ဂပါမယ်

မငြိမ်းချမ်းသေးတဲ့ငြိမ်းချမ်းရေးစားသောက်ပွဲတွေပါမယ်
အပွင့်တွေဆိုင်မယ်
ပြင်မယ်မပြင်ဘူးငြင်းမယ်

ရွေးကောက်ပွဲနီးရင်တိုင်ပြည်နဲ့လူမျိုးကို
ပိုးစိုးပက်စက်ချစ်ပြတာတွေပါမယ်

ကျောင်းသား/ပြည်သူ/သံဃာကို
ဥပဒေနဲ့အညီအညှိုးကြီးကြီးရိုက်နှက်ဖမ်းတာတွေပါမယ်

ထမင်းတစ်နပ်လျှော့စားခိုင်းတာကအစ
ပါးရိုက်တာအဆုံး ဟာသပျက်လုံးတွေပါမယ်။

ကွန်မြူနစ်ဆေးခါးကြီးတိုက်တာပါမယ်

စောက်ကြွေးတင်မယ်

စောက်ရှက်ကွဲမယ်

ပိုးစိုးပက်စက်အာဏာရူးမယ်

ဒေါသထွက်နေတဲ့လူအုပ်ကြီးပါမယ်

တာဝန်လက်ပတ်နဲ့အမှီးနှံ့ပြတာတွေပါမယ်

ဟိုဟာတွေပါမယ်

ဒီဟာတွေပါမယ်

မိဘပြည်သူများမပါဘူး။

ဒီလူ(တောင်တွင်းကြီး)

*ဗလာစာရွက်*

*ဗလာစာရွက်*

စာမျက်နှာ(၁)

ဘောပင်အသစ်နဲ့အတိတ်အဟောင်းတွေကိုချရေးတော့

မှင်ရောင်ကိုမမှတ်မိဘူး

အနာဂတ်တွေမျက်နှာထထသစ်တယ်

စာမျက်နှာ(၂)

ကဗျာက ကဗျာကိုမထီမဲ့မြင်နဲ့

ဂီတာတီးပြီးအိပ်ပျော်သွားတယ်

ထို့ကြောင့်

ဤကဲ့သို့

စာမျက်နှာ(၃)

အချစ် အမုန်း သစ္စာတရား

မှင်အရောင်သုံးမျိုးသုံးပြီး

မျဉ်းတားတာတောင်

ကတိမတည်ဘူး

စာမျက်နှာ(၄)

ကြယ်တွေကိုပဲထိုင်မျှားပြစ်လိုက်တယ်

နေ့ခင်းကြောင်တောင်ကြီး

စာမျက်နှာ(၅)

ကိုယ့်အရေပြားကိုခြုံပြီး

တိမ်းစောင်းပြစ်လိုက်တာ

မေးခွန်းတွေခြစားကုန်တယ်

ဟုတ်တယ်

စာမျက်နှာ(၆)

စိတ်ရှိလက်ရှိလောင်ကျွမ်းပြစ်လိုက်ကြ

ငါတို့ဟာ

ပစ္စုပန်ရဲ့လက်ဖျံပေါ်မှာရွာကြနေတဲ့

မိုးစက်တွေ...

စာမျက်နှာ(၇)

ဖတ်ထားမိသမျှစာလေးတွေကို

ကျစ်ကျစ်ပါအောင်ဆုပ်ပြီး

လူရာဝင်ပြစ်လိုက်တယ်

သောက်ဖော်စားဖက်တွေရဲ့စားပွဲပေါ်မှာ

မာယာလတ်လတ်ဆတ်ဆတ်တွေတင်လို့ ။


စာမျက်နှာ(၈)

ငါ့ကိုယ်ငါပြန်မေးတဲ့အဓိပ္ပါယ်တွေနဲ့

ငါဟာ တိုင်ပတ်နေတဲ့ အိမ်မြှောင်

စာမျက်နှာ(၉)

နမော တဿ

ဘဂဝတော

အရဟတော

သမ္မာသမ္ဗုဒ္ဓဿ


စာမျက်နှာ(၁၀)

ငါ့ အိုဇာတာက

ဗေဒင်ဆရာရဲ့ မဟာဘုတ်မှာ

တွဲလောင်းချိတ်လို့

စာမျက်နှာ(၁၁)

ဒို့အရေး ဒို့...အရေးဆိုမှတော့

ခင်ဗျားအပူဘာပါလဲ

စာမျက်နှာ(၁၂)

ကျွန်တော်ဘာဖြစ်ချင်တယ်ဆိုတာ

ထည့်ပြောမနေတော့ပါဘူး။ ။

ဒီလူ(တောင်တွင်းကြီး)