ဝါးပြီး - ထွေးထုတ်

ခုတစ်လော ဘုတောချင်တဲ့စိတ်ကို

နေလှန်းပြီး ရေဖြန်းလိုက်တော့

ကျွန်တော်မသိတဲ့ အဓိပ္ပာယ်တွေနဲ့ ပေါက်ပြဲကုန်တယ်..၊

လူပြောများတဲ့ အမှန်တရား ဆိုတာ

ပလိုင်းပေါက်နဲ့ လိုက်ကောက်နေတဲ့ ဖားပဲ ...

သူပြောသလိုပဲ ကျွန်တော်ဟာ ကိုယ့်ထမင်းကိုစားပြီး

လူမုန်းခံတတ်တဲ့ကောင်...

အိပ်ဆေးသောက်ပြီး မျက်လုံးကြောင်နေတဲ့

ကြောင်တစ်ကောင်ကို ကြောင်တောင်တောင်ကြည့်ပြီး

ကြွက်တက်နေတဲ့ ခေတ်ကြီးထဲမှာ

ခလုတ်တိုက်လိုက် အိမ်မက် မက်လိုက်

ရေမရှိတဲ့ ချောင်းမှာ နှာခေါင်းဖော်လိုက်...

ဟိုဟာ လုပ်လိုက် ဒီဟာ လုပ်လိုက်နဲ့ပဲ

လူနဲ့တူတဲ့ သတ္တ၀ါတွေများလာတယ်... ။

ယမန်နှစ်က မိုးနဲရပ်ဝန်းမှာ ဒီနှစ် ရေတွေကြီးပြီး

လေတွေသေးသွားကြောင်း

ဟိုတစ်ယောက်ပြောတဲ့ ကောလဟာလထဲမှာကြားလိုက်ရတယ် ..။

ဒီလိုနဲ့ပဲ ဟိုးးးးးရှေးးရှေးးတုန်းကဆိုပြီး

ဒီခေတ်ကြီးအကြောင်း နောက်ခေတ်တစ်ခေတ်က

ပုံပြောပြလိုက် ပုံပြင်ပြန်ဖြစ်လိုက်နဲ့.... ။

ကိုယ့်ကိုကိုယ် အလေးပြုဖို့ မေ့နေကြတယ် ... ။   ။

                                          ဒီလူ(တောင်တွင်းကြီး)

* ဒီလူ ...ဆိုသည်မှာ *

ဒီလူကို တောင်တွင်းကြီးမဟုတ်တဲ့ မြို့တစ်မြို့မှာ စတွေ့ခဲ့တယ်၊
ဒီလူ လား ဟိုလူ လား သံသယမကင်းဖြစ်ကြသေးတယ် ၊
ဒီလူ က ဂေါ်လီအထာနဲ့  လိုင်းကားတိုးစီးတယ် ၊
ဒီလူ က ဒေးလ်ကာနက်ဂျီ နဲ့လဲ မျက်နှာကြောမတည့်ဘူး
သခင်ကိုယ်တော်မှိုင်းကိုလဲမမှီလိုက်ဘူးပြောတာပဲ ။

ဒီလူ က ကဗျာတွေကို ဘီယာနဲ့မှားမှားသောက်တယ် ၊
ဒီလူ က မနက်ဖြန်တွေထဲကို အချိန်မသိပဲခုန်ခုန်ချတယ် ၊
ဒီလူ က ရင်ဘတ်ထဲကမပါတဲ့ စကားတွေကိုကန်ကန်ထုတ်တယ် ၊
ဒီလူ က သူ့ကိုယ်သူ တောင်တွင်းကြီးသားဖြစ်တယ်ဆိုပြီး လေပေါ်ကို
မိနစ်(၂၀)လောက်ခုန်တက်သွားသေးတယ် ။

တစ်ခါကလဲပေါ်ပင်တွေလုပ်မိလို့ဆိုပြီး (၁)လလောက်ကိုယ့်ကိုကိုယ်သတ်သေသွားတယ်ဆိုလားပဲ ။

သူက ဒီလူ ဖြစ်ကြောင်း ဒီနေ့ သတင်းစာထဲမှာမပါလာဘူး.. ။

အကျင့်စာရိတ္တကောင်းမွန်ကြောင်းထောက်ခံစာမရှိဘူး  ။

အိမ်ထောင်စုဇယားအသစ် မလုပ်ရသေးဘူး ။

နိုင်ငံရေး နဲ့ ကဗျာ အကြောင်းကောင်းကောင်းမသိဘူး ။

ချလ်ဆီးအသင်း ချန်ပီယံလိဂ် ဖလားရတဲ့နေ့ကအိပ်ရေးမ၀တဲ့ ဒီလူ ၊
အမေစု လွပ်လာတဲ့နေ့က မျက်နှာမသစ်ဖြစ်တဲ့ ဒီလူ ၊
အဲ့ဒီ ဒီလူက ရခိုင်အရေး ကိုတောက်ခေါက်မိလို့ လျှာပြတ်သွားသေးတယ် ။

ဒီလူ ဆိုတဲ့ကောင်က ဒီစကားတွေပြောရတာ ဒီနေ့အတွက်ဖီးလ်တက်တယ်ပြောပြီး
ကိုယ်ရောင်ဖျောက်သွားတာပြန်မတွေ့ရတော့ဘူး ။

ဒီလူ ဆိုတာ ခင်ဗျားလား / ကျွန်တော်လား / မင်းလား / ငါလား သေချာမသိပေမဲ့
ဒီစကားလုံးတွေကို ဒီလူသွန်ချခဲ့လိုက်တယ် ။  ။

                                                               ဒီလူ(တောင်တွင်းကြီး)